Спорттук машыгуу борбору
Кыргыз улуттук агрардык университетинде дене тарбия жана спортту өнүктүрүүгө терең көңүл бурулган. Университетте заманбап спорт залы, стадиону жана ар кандай спортук аянтчалары бар. Акыркы убакта университеттин жетекчилиги тарабынан студенттердин жана профессордук-окутуучулар курамынын арасында спортту өнүктүрүү иштери активдүү жүргүзүлүүдө. Айта кетсек университетте бардык шарттары бар, заманбап спорттук объектилер курулуп жана жаңыланып жатат. 2015-жылы КУАУда заманбап спорттук даярдоо борбору ачылды. Бул борбордо ар кандай спорттун түрлөрү боюнча (бокс, стол тенниси, шахмат, тогуз коргоол, фитнес) машыгуулар өткөрүлөт. Андан сырткары университеттин спорттук аянтчаларында футбол, волейбол жана ордо аянтчалары курулуп бүттү.
Болотбек уулу Айдар
Спорттук машыгуу борборунун жетекчиси,
волейбол боюнча спорттун мастерлигине талапкер,
Кыргызстандын курама командасынын мүчөсү,
"Теңир-Тоо" волейбол клубунун оюнчусу
Previous slide
Next slide
Университетте сергек жашоонун негиздерин жакшыртуу боюнча жүргүзүлүп жаткан иш-чаралардын натыйжасында, акыркы жылдары студенттик спорттук кыймыл активдешүүдө.2015-жылы Кыргыз Республикасынын жогорку окуу жайлар арасында өткөрүлгөн Универсиадада эркин күрөш, грек-рим күрөшү, дзюдо, бокс, жеңил атлетика, жана ордо боюнча университеттин студенттери байгелүү орундарга ээ болушту. Жыл сайын КУАУнун биринчи курстун студенттери арасында спорттун 6 түрү боюнча “Студенттик спартакиада“ өткөрүлүп, анын жыйынтыгы боюнча жеңүүчүлөр байгелүү сыйлыктар жана белектер менен сыйланат.
Спортто студенттер эле эмес, профессордук-окутуучулар курамы дагы ЖОЖдор арасында өткөрүлгөн “Ден-соолук” спартакиадасында спорттун түрлөрү (волейбол, ордо, теннис, футбол, шахмат) боюнча активдүү катышып, байгелүү орундарга ээ болушууда..
КУАУнун ректору, УИАнын академиги
Нургазиев Р.З. жана университеттин администрациясы мелдештердин жеңүүчүлөрүн сыйлоо аземинде
Бишкек шаарындагы
"Ден-соолук - 2022" спартакиадасынын волейбол боюнча жеңүүчүлөрү
"Универсиада - 2022" Оор атлетика боюнча I-орун
"Универсиада - 2022" Ордо боюнча I-орун
"Универсиада - 2022" бокс боюнча II-орун
"Универсиада - 2022" жеңил атлетика боюнча III-орун
Университеттин студенттерин
«Казак күрөшүнүн» жеңүүчүлөрүн сыйлоо аземинде
Спорттун инструктору, волейбол боюнча спорттун мастерлигине талапкер Ч.Шааев волейбол боюнча машыгуу учурунда
